சௌந்தர்ய வாசல்❤️

வண்ணங்கள் பல தூவ...   வானவில் வட்டமிட.. கோவில் மணி ஓசை கேட்க..   குதூகல நடனம் அரங்கேற...  விண்ணொளியில் தன்னொளி பிடித்து  மின்னும் மின்சார விளக்குகளின்  ஒளி வெள்ளத்தில்,...     கியூஆர் கோடுகள் கீச்சிடுகின்றன.  இரு சர்க்கரை பொம்மைகளின் உயிர்பெரும் உன்னதமாம் இந்த திருமணம்...   வாழ்த்துக்கள் வாழிய வாழியவே..!

ஆர்பரித்து கொட்டும் அருவியாக  அதில் ஒலிக்கும் சத்தத்தில்,  பித்தத்தில்,  நித்தத்தில்,  மது முத்தத்தில்,  சித்தத்தில் சிறகடித்து பறந்து   கனவில் மட்டும் எனை காதல் செய்...!  யாரும் காப்புரிமை கோர முடியாது...!

அம்பு தொய்த மனமே மனமே..  ஆராத ரணமே.. ரணமே..  அழுது புலம்புகிறாய்...  விளக்கொளியை சுற்றி வர  நீ ஒன்றும் விட்டில் பூச்சி அல்ல..!  விஞ்ஞானம் வியக்கும் வின்னொளி நீ..! மன்னவன் படி ஏற விண்ணவன் பணி செய்வான்..  மாய உலகத்தோர் மதிமயங்கும் மட்டற்ற மனித பிறவி அல்ல நீ..  மானுட சமூகத்தின் மகத்தான பிறவி நீ...  யார் மீதும் பழிவேண்டா...  அல்லல் சுகமே அருஞ்சுவை என  அலாதி இன்பம் கொண்டு  தீஞ்சுவை என தீண்டு...  விண்ணுற பறப்பாய்..  விண்ணொளி பிடிப்பாய்.. வீடு பேறடைவாய்..!  எப்போதும் உடன் இருப்பவன்  நாதன் நாமம் நமச்சிவாயவே..!

வாழ்க்கை வாழ்க்கை சிலரை மட்டுமே ரசிக்கிறது..   சிலரை மட்டுமே விரும்புகிறது...  சிலரை மட்டுமே காதல் செய்கிறது....  பலருக்கும் ஏனோ காண முடியாத கடும் இருளாய்... துளைக்க முடியாத பாறையாய்...  கடக்க முடியாத கரடுமுரடான பாதையாய்..  காட்சி தருகிறது...   இருளை நீக்க வேண்டும்...  பாறையை துளைக்க வேண்டும்...  பாதையை கடக்க வேண்டும்...  என முற்படுகையில்....  தடை எழுப்பிய பெருஞ் சுவராய்..  முட்டி மோதி கீழே விழும் கிணற்று தவளையாய்...  முடியாமலேயே போய் விடுகிறது...!